Ish-kryeministri i Kosovës, Avdullah Hoti, ka reaguar pas deklaratave të së Ngarkuarës me Punë në Ambasadën e Shteteve të Bashkuara në Kosovë, Anu Prattipati, duke theksuar se edhe sot është përsëritur kërkesa që Kosova të diversifikojë burimet e energjisë përmes projektit të gazit amerikan.
Përmes një postimi, Hoti tha se përfaqësuesja e SHBA-së e ka vënë sërish theksin te rëndësia e këtij projekti strategjik për sektorin energjetik të Kosovës.
“Edhe sot, duke iu referuar projektit të gazit amerikan, përfaqësuesja e SHBA-së në Kosovë kërkoi që Kosova të diversifikojë burimet energjetike.
Ajo e përshëndeti angazhimin e Odës Ekonomike Amerikane në mbështetje të këtij projekti madhor dhe strategjik”, ka shkruar Hoti.