Komisioni Qendror i Zgjedhjeve (KQZ) ka përditësuar sërish të dhënat e rezultateve preliminare të zgjedhjeve parlamentare.
Nga 2,521 kutive votimi prej 2,533 sa janë numëruar ose 99,53 për qind e tyre, prin Lëvizja Vetëvendosje me 40.89 për qind ose 340,641 të votave.
E dyta është Partia Demokratike e Kosovës me 22.05 për qind ose 183,661 vota.
E treta Lidhja Demokratike e Kosovës me 17,62 për qind ose 146,815 vota.
Pas LDK-së është koalicioni AAK-Nisma me 7,46 për qind ose 62,111 vota.
KQZ sot ka bërë të ditur se do t’i verifikojë edhe një herë votat dhe se ka filluar procesin e numërimit të votave për kandidatët.