Janë zbardhur detaje të reja lidhur me rastin e policit të Kosovës, Shaban Hajdari, i cili u gjet pa shenja jete në zonën e Morinës, në Kukës.
Sipas informacioneve të reja, arma e gjetur në vendin e ngjarjes rezulton të ketë qenë arma zyrtare e shërbimit e pjesëtarit të Policisë së Kosovës.
35-vjeçari nga Prizreni, pjesëtar i Njësisë së Reagimit të Shpejtë, dyshohet se ka humbur jetën si pasojë e një vetëvrasjeje me armën e tij të shërbimit.
Ngjarja është duke u hetuar nga autoritetet shqiptare në bashkëpunim me institucionet e Kosovës. Grupi hetimor po punon për të sqaruar të gjitha rrethanat që çuan në këtë rast tragjik.
Arma është sekuestruar si provë materiale, ndërsa hetimet do të vazhdojnë për të dokumentuar plotësisht rastin dhe për të përcaktuar dinamikën e ngjarjes.