Një aksident trafiku ka ndodhur sot në Klinë, ku të përfshira kanë qenë tri vetura, ndërsa tre persona kanë pësuar lëndime trupore.
Zëdhënësi i Policisë për rajonin e Pejës, Driton Rugova, ka konfirmuar për Sinjalin se rasti është raportuar rreth orës 15:00.
Sipas tij, pas përplasjes, personat e lënduar janë dërguar në Spitalin Rajonal të Pejës për të marrë trajtim mjekësor.
Policia ka dalë në vendin e ngjarjes dhe po merret me hetimin e rrethanave që çuan deri te aksidenti.