Pa pritur aktvendimin, Milovan Drecun shpall fajtorë krerët e UÇK-së dhe pretendon se dënimi është i pashmangshëm.
Politikani ekstremist serb, Milovan Drecun, ka thënë se pret një aktvendim dënues për krerët e Ushtrisë Çlirimtare të Kosovës më 16 shtator të këtij viti.
Sipas Drecun, gjykimi në Hagë – ndonëse i apostrofuar për shumë shkelje procedurale dhe të drejtave të njeriut edhe nga organizata Bar Human Rights Committee of England of Ëhales – ka treguar se UÇK-ja është “organizatë terroriste që kreu krime brutale ndaj popullit serb, si dhe ndaj romëve dhe shqiptarëve”.
“Vetëm tani do të bëhet plotësisht e qartë natyra e veprimtarisë kriminale të UÇK-së terroriste, e cila kreu spastrim brutal etnik të serbëve, por edhe të romëve, nga Kosova dhe Metohia. Përveç gjithçkaje që dëgjuam gjatë gjykimit, provave të paraqitura nga Zyra e Prokurorit të Specializuar, dëshmive të dëshmitarëve dhe dokumentacionit, është e pamundur të arrihet në një aktgjykim tjetër, përveç nëse ka presion dhe ndikim të fortë politik nga dikush në bashkësinë ndërkombëtare për ta ndryshuar vendimin”, ka thënë Drecun.
Drecun ka potencuar se nuk sheh gatishmëri nga ndërkombëtarët në ndërhyrjen për siç thotë ai “faljen e Thaçit dhe grupit të UÇK-së”.
Drecun në të kaluarën kishte thënë se Serbia dhe autoritetet e saj shtetërore kanë qenë ta angazhuara në dërgimin e shumë dokumenteve në Gjykatën Speciale në Hagë.