Zëdhënësi i Komisionit Qendror të Zgjedhjeve, Valmir Elezi, tha për Klankosova.tv se ka vazhduar numërimi në 18 komuna.
Elezi tha se gjatë ditës pritet të nisë numërimi edhe në komunat e tjera.
“Ju njoftoj se në orën 08:00 ka vazhduar procesi i numërimit në Qendrat Komunale të Numërimit në komunat: Deçan, Gjakovë, Drenas, Gjilan, Fushë Kosovë, Kamenicë, Mitrovicë e Jugut, Lipjan, Obiliq, Prishtinë, Skënderaj, Shtërpcë, Viti, Ranillug, Partesh, Kllokot, Mitrovicë e Veriut dhe Hani i Elezit”, tha Elezi për Klankosova.tv
“Gjithashtu, procesin e numërimit e ka filluar edhe Qendra Komunale e Numërimit në Ferizaj, ndërkaq për qendrat tjera të cilat do të fillojnë procesin e numërimit do të njoftojmë së shpejti”, deklaori ai.
Ai theksoi se në Qendrat Komunale të Numërimit, përveç procesit të numërimit të votave të kandidatëve për deputetë, bëhet edhe verifikimi i votave të subjekteve politike nga formularët të cilët janë plotësuar në vendvotime pas numërimit të votave për subjektet politike.
“Ky verifikim është paraparë me aktet nënligjore që janë miratuar nga KQZ qysh para shpalljes së datës së zgjedhjeve dhe sigurisht se kjo do të heq të gjitha dilemat që janë krijuar gjatë problemeve në publikimin e rezultateve preliminare për subjektet politike”, shtoi zëdhënësi i KQZ-së, Valmir Elezi.