Një 26-vjeçar është shoqëruar në Policinë e Durrësit pasi ka përplasur një 66-vjeçar, i cili, si pasojë e plagëve të marra, ka ndërruar jetë në spital.
Sipas raportimeve të Policisë, është shoqëruar A. T., 26 vjeç, pasi rreth orës 10:30, në lagjen 13, në Durrës, ka përplasur shtetasin F. D., 66 vjeç.
“Rreth orës 10:30, në lagjen 13, shtetasi A. T., 26 vjeç, duke drejtuar automjetin, dyshohet se ka përplasur shtetasin F. D., 66 vjeç. Shtetasi F. D. është transportuar në spital, për ndihmë mjekësore.
Drejtuesi i automjetit, shtetasi A. T., është shoqëruar në Komisariat dhe po kryhen veprimet procedurale për arrestimin e tij, shkruan Euronews.al.
Në vijim të informacionit shtetasi F. D., 66 vjeç, i cili u përplas nga një automjet në lagjen 13, Durrës, si pasojë e plagëve të marra, ka ndërruar jetë në spital. Grupi hetimor vijon punën për zbardhjen e plotë të rrethanave të aksidentit”, thuhet në njoftimin e policisë.