Kryetari i Partisë Demokratike të Kosovës, Memli Krasniqi ka pritur sot në takim të dërguarin special të Sllovenisë për Ballkanin Perëndimor, Anzej Franges.
Krasniqi bëri të ditur se bashkë, ata diskutuan për zhvillimet e fundit në Kosovë e rajon.
“Theksova përkushtimin e PDK-së për integrimin euroatlantik të Kosovës, forcimin e demokracisë dhe zhvillimin ekonomik, si dhe vlerësova mbështetjen e vazhdueshme të Sllovenisë për vendin tonë”, shton tutje Krasniqi në një postim në Facebook.
I pari i PDK-së tha po ashtu se në raport me zgjedhjet e përgjithshme, të dërguarin slloven e njoftoi se 9 shkurti ishte një dëshmi e pjekurisë demokratike së Kosovës dhe përkushtimit të qytetarëve për një të ardhme më të mirë.