Gjatë 24 orëve të fundit, në Qendrën Emergjente të Qendrës Klinike Universitare të Kosovës (QKUK), një person ka humbur jetën, ndërsa janë trajtuar gjithsej 318 raste.
Sipas raportit 24-orësh të QKUK-së, numri më i madh i pacientëve është trajtuar në Emergjencën Internistike.
“Në totalin e rasteve të trajtuara;
96 në Emergjencën Internistike,
64 në Emergjencën Kirurgjike,
66 pacientë kanë marrë trajtim në Emergjencën Ortopedike.
Në mesin e shërbimeve të ofruara në sallën e vogël, janë trajtuar 24 pacientë, kryesisht për qepje, përpunim dhe pastrim të plagëve”, thuhet në raport.
Raporti bën të ditur se, për nga natyra e lëndimeve, 22 persona janë lënduar si pasojë e aksidenteve në trafik, ndërsa është regjistruar edhe një rast i helmimit.