Zyrtari i Aleancës, Daut Haradinaj, ka reaguar pas vdekjes tragjike të punonjësit të medias dhe personazhit të rrjeteve sociale, Laurent Krasniqi.
Haradinaj ka treguar se për një periudhë e ka pasur bashkëpunëtor Krasniqin, ndërsa e ka kujtuar si një njeri punëtor, serioz dhe të dashur me të gjithë.
Ai ka shprehur ngushëllime për familjen Krasniqi, shokët dhe të gjithë ata që e kanë njohur.
“Ndarja nga jeta e Laurentit na mërziti të gjithëve. Për një kohë pata rastin ta kem bashkëpunëtor, ku e njoha nga afër si një djalë të ri, punëtor serioz dhe të përkushtuar në punë, por mbi të gjitha si njeri i dashur me të gjithë.
Shpreh ngushëllimet e mia më të sinqerta familjes Krasniqi, shokëve dhe të gjithë atyre që e njohën nga afër.
I përjetshëm kujtimi për ty, Laurent!”, ka shkruar Haradinaj.