Të dielën, më 6 shtator, në ora 19:00, në Kompleksin Memorial “Dëshmorët e Kombit” në Gllogjan, do të mbahet tubimi përkujtimor dhe mbështetës me moton “7 Zona, 7 Zjarre, Një Luftë, Një Kujtesë, Drejtësi”.
Njoftimin e ka bërë ish- deputeti i Kuvendit të Kosovës, Hajdar Beqa, i cili u ka bërë thirrje veteranëve, invalidëve të luftës së UÇK-së dhe familjeve të dëshmorëve të Zonës Operative të Dukagjinit që t’i bashkohen aktivitetit.
Sipas njoftimit, aktiviteti është iniciuar nga platforma “Liria ka Emër” dhe organizohet nga shoqatat e dala nga lufta në Dukagjin.