Mbi 8 mijë shtetas dhe rreth 2 mijë automjete kanë kaluar nga Shqipëria drejt Kosovës gjatë kësaj fundjave, me destinacion kryesisht Prishtinën, për të marrë pjesë në “Marshin e Lirisë”.
Sipas të dhënave nga Drejtoria e Kufirit, lëvizjet në drejtim të Kosovës kanë qenë të konsiderueshme, ndërsa në mesin e udhëtarëve raportohet se ka pasur edhe pjesëtarë të diasporës.
“Marshi i Lirisë” në Prishtinë u organizua në mbështetje të ish-krerëve të UÇK-së që po gjykohen në Hagë, ndërsa vendimi ndaj tyre pritet të shpallet më 16 shtator.