Policia e Kosovës ka arrestuar një shtetase të Shqipërisë në Aeroportin Ndërkombëtar të Prishtinës “Adem Jashari”, pasi dyshohet se ka tentuar të udhëtojë duke përdorur një dokument të falsifikuar që i përkiste një personi tjetër.
Sipas raportit 24-orësh të Policisë së Kosovës, rasti ka ndodhur më 13 shtator 2026, rreth orës 12:40.
“ANP. Adem Jashari / 13.09.2026 – 12:40. Është arrestuar e dyshuara femër shtetase e Shqipërisë pasi ka tentuar të udhëtoj me një dokument të falsifikuar të një personi tjetër. Me vendim të prokurorit e dyshuara është dërguar në mbajtje, ndërsa dokumenti është sekuestruar”, thuhet në raportin 24-orësh.
Me vendim të prokurorit, e dyshuara është dërguar në mbajtje, ndërsa dokumenti i dyshuar si i falsifikuar është sekuestruar nga autoritetet.