Qytetarët do të protestojnë edhe sonte në sheshin “Skënderbeu” në Prishtinë, pas aktgjykimit ndaj ish-krerëve të Ushtrisë Çlirimtare të Kosovës në Hagë.
Thirrjen për protestën e sontme e ka shpërndarë në “Instastory” edhe Endrit Thaçi, djali i ish-presidentit Hashim Thaçi, i cili kishte marrë pjesë edhe në protestën e mbrëmshme në kryeqytet.
Protesta është paralajmëruar të nisë në orën 21:00, ndërsa motoja e saj do të jetë “Jo në emrin tim”.
Tubimi pritet të mbahet në sheshin “Skënderbeu”, ku qytetarë janë mbledhur edhe gjatë ditëve të fundit pas vendimit të Dhomave të Specializuara.
