Labi me këngë për ish-krerët e UÇK-së në një dasmë, emocionon me fjalët për ta

Këngëtari Labinot Tahiri ka interpretuar gjatë një dasme një këngë me vargje kushtuar Hashim Thaçit dhe ish-pjesëtarëve të Ushtrisë Çlirimtare të Kosovës. Në një moment të mbrëmjes, ai ka kënduar vargjet “Të fala Parisit, plumba Beogradit, jemi ushtarë të Hashim Thaçit”, duke iu referuar ish-presidentit të Kosovës dhe figurave të UÇK-së. Pas performancës, Tahiri ka publikuar edhe një shkrim të gjatë në Facebook, ku ka shprehur qëndrimin e tij për Thaçin, Kadri Veselin, Rexhep Selimin dhe Jakup Krasniqin, të cilët ndodhen në Hagë. Në vijim, postimi i plotë i tij: “Na fal President, që tu mor padrejtësisht posti i Presidentit! Na fal, prijës i lirisë së këtij fëmiju dhe i fëmijëve të mi, që kurrë nuk t’u hoq barra për të na bërë të lirë në këtë Kosovë. E na fal more Zot, një popull që në ditët e sotme nuk po ngrihemi të gjithë në këmbë për këta burra! Se tash po pyes veten: a jam unë shqiptar si Hashimi, Kadria, Rexha e baca Jakup, apo çfarë kombi jam e çfarë gjaku kam?! Ooo vëllezër shqiptarë…Na falni! Na falni që sot ne, me duar në xhepa, jetojmë të lirë, ndërsa këta burra kanë dhënë rininë, jetën dhe familjet e tyre për këtë liri. Dosje nga Serbia shkojnë në atë shtet me lule, në Holandë, e ne këtu shikojmë e heshtim…O Zot… Nëse një ditë na pyet dikush se çfarë bëmë ne për këta burra, çfarë do t’i themi?! Që ne ishim të lirë dhe ata ishin në burg?!Që ne i kishim duart në xhepa, ndërsa ata i kishin duart të lidhura?! AH, TOKA JONË…NA FAL KOSOVA IME SE PO MË DUKËT QË NUK TË MERITOJ AS UNË Labi, Kosovë e Shqipërisë”.