Kryeministri i Shqipërisë, Edi Rama, është përballur me protestues gjatë qëndrimit të tij në New York, ku po merr pjesë në punimet e Asamblesë së Përgjithshme të OKB-së.
Në pamjet e publikuara në rrjetet sociale, disa persona shihen duke i hedhur vezë Ramës, ndërsa nga turma dëgjohen edhe thirrje ndaj kryeministrit shqiptar.
Në momentin e incidentit, pranë Ramës ndodheshin bashkëshortja e tij, Linda Rama, dhe kreu i Grupit Parlamentar të Partisë Socialiste, Taulant Balla.
Sipas pamjeve, protestuesit i janë drejtuar Ramës edhe me epitete si “mafia” dhe “kriminel”.