Kryeministri i Kosovës, Albin Kurti, raportohet të ketë takuar sot liderët e partive opozitare.
Këto takime, sipas këtyre raportimeve, i ka zhvilluar me kryetarin e PDK-së, Bedri Hamzën dhe atë të LDK-së, Lumir Abdixhikun.
Lajmi raporton me burime se takimet janë realizuar veçmas mes tre liderëve.
Këto takime janë mbajtur një ditë para se të mbahet seanca e Kuvendit të Kosovës ku do të betohen deputetët e rinjë dhe do të emërohet nënkryetari i Kuvendit nga PDK.
Kjo seancë e nesërme është pas vendimit të Gjykatës Kushtetuese e cila ka thënë se Kuvendi është konstituuar me vonesë ndërkaq Qeverinë e ka parë si kushtetuese.
Kushtetuesja ka thënë se afati i fundit për zgjedhjen e Presidentit është 6 tetori.