Protestat në mbështetje të ish-krerëve të UÇK-së po vazhdojnë në Prishtinë, pas aktgjykimit të Gjykatës Speciale në Hagë ndaj Hashim Thaçit, Kadri Veselit, Jakup Krasniqit dhe Rexhep Selimit.
Protestuesit janë mbledhur për të dymbëdhjetën natë radhazi në sheshin “Skënderbeu”, ku po brohorasin “UÇK” dhe po mbahen fjalime.
Organizatorët kanë bërë të ditur se protestat do të vazhdojnë edhe në ditët në vijim, ndërsa gjatë netëve të kaluara në shesh është parë një numër i konsiderueshëm protestuesish.