Njëri nga themeluesit e UÇK-së, Nait Hasani ka treguar se kur ishte hera e fundit që e takoi dëshmorin e kombit, Luan Haradinajn.
Hera e fundit që ai kishte takuar Luanin ishte viti 1994, kur po udhëtonte drejt Jabllanicës edhe me Thaçin e Veselin.
“Me Luanin jemi taku në 1994 më duket, po për herë të fundit kemi udhëtu bashkë në Prishtinë jemi taku, ata kanë ardhë në Prishtinë jemi taku për organizim, në mbrëmje jemi taku në Klinë. Ai ka udhëtu me Lahinë me autobus, unë kam udhtu me makinë, në Komoran e kam marrë Hashim Thaçin dhe Kadri Veselin dhe kemi udhëtu deri në Gllarevë në shtëpi të Alushit, prej Gllarevës kemi shku në Grabanicë, atje e kemi marrë Luanin dhe Lahinë, atje kemi udhëtu bashkë deri në Jabllanicë, aty kemi qenë bashkë të pestit”, tha Nait Hasani.
Ndër të tjerash, ai ka zbuluar edhe me çfarë nofke e kanë quajtur Luanin.
“Gjatë rrugës kemi bisedu dhe prej aty Luanin më nuk e kam pa, po luani ka qenë “Luan i Luanëve”, ashtu e kemi qujtë për angazhimin, përpjekjet dhe sakrificat”, potencoi Hasani.