Në sallën e Gjykatës Themelore në Prishtinë, Fatmir Sheholli doli sërish për t’u përballur me akuzat e Prokurorisë Speciale, e cila e ngarkon atë për veprimtari spiunazhi në shërbim të BIA-s serbe.
Sikurse në seancën e 7 shtatorit, ai zgjodhi të njëjtën linjë mbrojtjeje: hodhi poshtë çdo pretendim të prokurorisë dhe u deklarua i pafajshëm përpara trupit gjykues, duke mos e pranuar asnjë nga pikat e aktakuzës.
“Absolutisht i pafajshëm”, ka thënë Sheholli para Gjykatës.