Para Parlamentit gjerman në Berlin është mbajtur sot protesta me moton “Jo në emrin tim”, në shenjë kundërshtimi ndaj aktgjykimit të Gjykatës Speciale ndaj ish-drejtuesve të UÇK-së.
Në protestë morën pjesë shqiptarë nga qytete dhe rajone të ndryshme të Gjermanisë, të cilët u mblodhën në kryeqytetin gjerman për të shprehur qëndrimin e tyre ndaj vendimit të Speciales.
Protesta në Berlin është pjesë e një serie tubimesh me të njëjtën moto, të organizuara në vende të ndryshme të botës ku jeton diaspora shqiptare.
Përmes këtyre protestave, organizatorët kanë shprehur kundërshtimin e tyre ndaj dënimeve të shqiptuara nga Gjykata Speciale ndaj ish-krerëve të UÇK-së.