Kuvendi i Kosovës ka votuar sot për zgjedhjen e kryesuesit të Bordit të Zyrës së Rregullatorit për Energji (ZRrE).
Në votim morën pjesë gjithsej 69 deputetë. Driton Gojani ka marrë 62 vota, ndërsa Ymer Fejzullahu ka marrë shtatë vota.
Me këtë rezultat, Gojani është zgjedhur kryesues i Bordit të ZRrE-së, me mandat pesëvjeçar.
Ndërkaq, Lutfije Dervishi ka marrë mbështetjen e nevojshme për anëtare të Bordit të ZRrE-së.
Për zgjedhjen e anëtarit tjetër të Bordit, kryesuesi i seancës, Ardian Gola, ka njoftuar se do të shpallet konkurs.