Kreu i PDK’së, Bedri Hamza, ka thënë se nëse vendi do të shkojë në zgjedhje të reja, një gjë e tillë bëhet për shkak të projektit politik të LVV’së për një gjë të tillë.
Hamza ka thënë se duke qenë se Ligji ka kaluar në lexim të parë, i bie që LVV s’ka pasur qëllim që ta aprovojë Ligjin në lexim të dytë.
“Çdo orë që kalon e pamundëson aprovimin e ligjit në dy lexime. Koha e mjaftueshme vec po kalon. Edhe herave të kaluara vendi ka shkuar në zgjedhje si projekt i LVV’së, z. Kurti. Edhe kësaj radhe vendi që shkon në zgjedhje shkon si projekt i LVV-së. Sepse VV i don krejt për veti, edhe ato që s’i takojnë”
“Sot del thotë se i kemi 11 vota të LDK’së e votat tona, e po ia lypim votat PDK’së. Kam besu që Ligji do të kalojë në dy lexime, përveç mungesës së vullnetit politik. Nëse Ligji dje ka kalu, ka mujt me kalu me shmangie sipas nenit 123. Sot kishim ardhë ndoshta kishim votu në marrëveshje me presidentin. Kjo është e saktë. Sipas të gjitha gjasave, për shkak të projektit politik të LVV-së vendi po shkon në zgjedhje. Do të jetë kosto për Kosovën.Kanë bo veprime të planifikuara pa dashur të ketë rezultat . S’kanë pas qëllim me e aprovu në dy lexime”, ka shtuar Hamza.