Ish ambasadori i Kosovës, Bernard Nikaj, i ftuar në emisionin “Forum” në DTV Media, ka folur për situatën aktuale politike në Kosovë, protestat e qytetarëve dhe zhvillimet rreth Ligjit për Dhomat e Specializuara.
Nikaj ka theksuar se qytetarët tash e 21 ditë po protestojnë, duke kërkuar votimin e këtij ligji nga Kuvendi. Sipas tij, në këtë situatë pyetja kryesore që duhet të marrë përgjigje është: pse nuk po votohet Ligji për Dhomat e Specializuara?
Ai ka folur edhe për krizën institucionale dhe çështjen e zgjedhjes së presidentit, duke ngritur pyetjen nëse Kosova do të ketë apo jo një president. Megjithatë, sipas Nikajt, urgjenca kryesore në këtë moment është kalimi i Ligjit për Dhomat e Specializuara.
Deklaratat e Nikajt vijnë në një kohë kur kanë mbetur vetëm pak orë deri në skadimin e afatit për zhvillimet e ardhshme institucionale dhe politike në vend.