Ish-kandidati për deputet nga radhët e Aleancës, Dardan Krasniqi, ka hedhur aludime lidhur me raportimet për arrestimin e dy kryetarëve të komunave.
Krasniqi ka thënë se njëri prej të arrestuarve mund të jetë kryetari i Komunës së Mitrovciës, Faton Peci.
Sipas Krasniqit, profili i Pecit përputhet me raportimet pasi që Peci kishte ushtruar detyrën e ministrit në të kaluarën.
“Prapë unë kam dhënë deklaratë mbrëmë…. Përflitet për dy kryetarë komunash, njëri ish ministër të cilët i kanë aktakuzat. Nëse ndërhyn politika…. Nuk jap emra por opinioni mundet me ditë. Mund të jetë Faton Peci, mirëpo jo për rastet e tij si kryetar. Nëse Prokuroria ka bërë plan dhe ai nuk arrestohet dihet se ka ndërhyrë politika”, ka thënë Krasniqi.
Përndryshe kryetari i Komunës së Prishtinës, Përparim Rama mbrëmë mohoi se është intervistuar ndonjëherë nga Prokuroria, duke shuar kështu zërat për arrestimin e tij.
Ditë më parë Indeksonline kishte raportuar se skena politike do të “dridhet” pasi që sipas raportimit pritej arrestimi i dy politikanëve të njohur kosovarë.