Nënkryetarja e PDK-së, Vlora Çitaku, ka reaguar përmes një postimi në Facebook pasi sot bëhet një muaj nga aktgjykimi i Dhomave të Specializuara në Hagë ndaj ish-krerëve të UÇK-së: Hashim Thaçit, Kadri Veselit, Jakup Krasniqit dhe Rexhep Selimit.
Në postimin e saj, Çitaku theksoi se ky ka qenë një muaj i rëndë për ta, familjet e tyre dhe të gjithë ata që besojnë në drejtësinë e luftës për liri. Ajo tha se tashmë kemi hapa konkret për të mbështetur mbrojtjen e tyre në shkallën e Apelit me synimin për të rrëzuar këtë aktgjykim.
‘Qëndrimi ynë është kristal i qartë: çlirimtarët tanë nuk do t’i lëmë vetëm. Në asnjë ditë. Në asnjë betejë. Do të jemi pranë tyre, deri në kthimin e tyre të lirë mes nesh – në Atdhe!’, përfundoi Çitaku.