Partia Demokratike e Kosovës në zgjedhjet e 9 shkurtit, ashtu si edhe në ato të vitit 2021, ka dalë forca e dytë më e madhe politike në vend.
Kjo parti kur janë numëruar mëse 90% e votave, ka marrë 22.55 % dhe pritet t’i ketë 25 deputetë në Kuvend.
Më i votuari në këtë parti është kandidati për kryeministër, Bedri Hamza me mbi 150 mijë vota. Hamza në zgjedhet e 14 shkurtit 2021 kishte marrë më pak se 24 mijë vota.
Memli Krasniqi ka marrë 85 mijë e 293 vota teksa katër vite më parë kishte vetëm 15 mijë e 912.
Xhavit Haliti deputeti më jetëgjatë i Kuvendit të Kosovës, i cili më 2021 u zgjodh deputet me 10 mijë e 538 vota, nga kutitë e numëruara deri më tani ka marrë rreth 1 mijë më shumë.
Megjithatë ai nuk pritet ta sigurojë një ulëse në Kuvend këtë herë.
Haliti pritet të mos sigurojë ulëse në kuvend për herë të parë që nga viti 2001. Prej atëherë, ai gjithmonë ka qenë pjesë e kuvendit.