Drejtori i Spitalit të Përgjithshëm të Mitrovicës, Gëzim Berisha është arrestuar nën dyshimin për dhunë në familje.
Burime të “Betimi për Drejtësi” bëjnë të ditur se Berisha ka kërcënuar bashkëshorten se do t’i ndodhë e njëjta sikurse Arlinda Zekajt.
Kujtojmë se Zekaj u vra më 25 tetor 2026 nga i dyshuari ish-kunati i saj Albert Sylaj, pasi kishte raportuar ish-bashkëshortin Jeton Sylaj për dhunë në familje.
Ndërkohë, Prokuroria Themelore në Prishtinë ka konfirmuar për “Betimi për Drejtësi” se Berisha është ndaluar për 48 orë, nën dyshimin për kryerjen e veprës penale “Dhuna në familje”.
Edhe Policia ka konfirmuar për “Betimi për Drejtësi” se bashkëshortja e Berishës ka raportuar për dhunë të vazhdueshme psikike, ndërsa çifti nuk jeton së bashku prej disa muajsh.