Kryetari i Prishtinës, Përparim Rama, ka publikuar disa fotografi të Rrugës A në kryeqytet, përmes të cilave ka thumbuar përkrahësit e Lëvizjes Vetëvendosje.
Rama ka shoqëruar fotografitë me një mesazh ironik, duke përshkruar fazat e realizimit të kësaj rruge.
“Fillimisht renderi, më pas bageri dhe në fund projekti”, ka shkruar Rama.
Ai ka shtuar se një postim të tillë nuk e kuptojnë vetëm “militantët e Vetëvendosjes”, duke iu referuar përkrahësve të kësaj partie.