Kimi Antonelli është kampioni i ri i botës në Formula 1 për vitin 2026, duke shkruar histori në elitën e automobilizmit.
Piloti italian i Mercedesit e ka siguruar matematikisht titullin në Çmimin e Madh të Meksikës, pavarësisht se kanë mbetur edhe tri gara deri në përfundim të sezonit.
Në moshën vetëm 20-vjeçare e 68 ditëshe, Antonelli bëhet kampioni më i ri i botës në historinë e Formula 1.
Italiani e përfundoi garën në pozitën e tretë, pas Max Verstappenit dhe Lewis Hamiltonit, rezultat që i mjaftoi për të siguruar titullin.
Ky është një sukses historik për Antonellin dhe Mercedesin, pasi talenti italian ka arritur të triumfojë në garën për titullin më prestigjioz të automobilizmit, duke lënë pas emra të mëdhenj të këtij sporti.
Formula 1 e ka konfirmuar zyrtarisht triumfin e tij, duke e përshëndetur si kampionin më të ri të botës në histori.