10 raste të dhunës në familje janë regjistruar në raportin e fundit 24-orësh të Policisë së Kosovës.
Rastet përfshijnë dhunë psikike dhe fizike, kanosje ndaj familjarëve, si dhe dëmtim të pronës. Policia ka arrestuar e ndaluar disa persona nga komuna të ndryshme të vendit.
Raporti i policisë për dhunë në familje:
DHUNË NË FAMILJE
· Fushë Kosovë 06.11.2026 – 05:00. Është raportuar se prindi- i dyshuari mashkull kosovar, i cili ka probleme psikike, ka kanosur familjarët. Me vendim të prokurorit, i dyshuari dërgohet në mbajtje.
· Prishtinë 06.11.2026 – 12:55. Është raportuar se i dyshuari mashkull kosovar, ka ushtruar dhunë psikike ndaj viktimës femër kosovare. Viktima dhe i dyshuari kishin bashkëjetuar më parë dhe kanë dy fëmijë të përbashkët. I dyshuari është arrestuar dhe pas intervistimit me vendim të prokurorit është dërguar në mbajtje.
· Gllogoc 06.11.2026 – 21:00. Është arrestuar i dyshuari mashkull kosovar, për shkak se pas një mosmarrëveshje kishte ushtruar dhunë psikike ndaj bashkëshortes së tij. Me vendim të prokurorit, i dyshuari pas inicimit të rastit është dërguar në mbajtje.
KANOSJE
· Fushë Kosovë 06.11.2026 – NN. Është raportuar se ankuesja femër kosovare, se pas një mosmarrëveshje është kanosur dhe ofenduar përmes telefonit nga bashkëshorti i saj i dyshuari mashkull kosovar. I dyshuari është arrestuar dhe me vendim të prokurorit pas inicimit të rastit është dërguar në mbajtje.
· Prishtinë 06.11.2026 – 22:30. Është arrestuar i dyshuari mashkull kosovar, për shkak se kishte kanosur motrën dhe babanë e tij. I dyshuari pas intervistimit me vendim të prokurorit është dërguar në mbajtje.
DHUNË NË FAMILJE & LËNDIM I LEHTË TRUPOR & ASGJËSIM APO DËMTIM I PASURISË
Kaçanik 06.11.2026 – 22:15. Është raportuar se i dyshuari mashkull kosovar ka shkaktuar dhunë në familje. I njëjti është arrestuar dhe pas intervistimit me vendim të prokurorit është dërguar në mbajtje për 24 orë.
LËNDIM I LEHTË TRUPOR & DHUNË NË FAMILJE
Pejë 06.11.2026 – 17:30. Një mashkull dhe tri femra kosovarë, janë arrestuar për shkak se pas një mosmarrëveshje janë përleshur ndërmjet vete. Si pasojë e lëndimeve të pësuara njëra nga të dyshuarat e përfshira ka pranuar trajtim mjekësor. Me vendim të prokurorit i dyshuari mashkull është dërguar në mbajtje, ndërsa të dyshuarat janë liruar në procedurë të rregullt.
DHUNË NË FAMILJE
Pejë 06.11.2026 – 13:28. Policia është njoftuar se i dyshuari mashkull kosovar, ka ushtruar dhunë psikike ndaj anëtarëve të familjes si dhe ka dëmtuar disa orendi shtëpiake. I dyshuari është arrestuar dhe me vendim të prokurorit është dërguar në mbajtje.
DHUNË NË FAMILJE
Rahovec 06.11.2026 – 04:00. Është arrestuar i dyshuari mashkull kosovar, pasi që i njëjti ka sulmuar fizikisht dhe e ka kanosur prindin e tij viktimën mashkull kosovar. Me vendim të prokurorit i dyshuari është dërguar në mbajtje.
DHUNË NË FAMILJE
Vushtrri 05.11.2026 – 21:40. Lidhur me rastin, më 06.11.2026, është arrestuar i dyshuari mashkull kosovar dhe i njëjti me vendim të prokurorit dërgohet në mbajtje.