Kryeministri i Kosovës, Albin Kurti, ka udhëtuar të shtunën drejt Francës, ku do të marrë pjesë në Forumin e Paqes në Paris.
Gjatë vizitës së tij, Kurti do të jetë gjithashtu pjesë e darkës shtetërore të shtruar nga presidenti francez, Emmanuel Macron.
Sipas njoftimit të Qeverisë, në margjinat e Forumit të Paqes, kryeministri pritet të zhvillojë takime bilaterale me liderë, zyrtarë të lartë dhe përfaqësues të shteteve e institucioneve të ndryshme.
Ai gjithashtu do të takohet me personalitete të njohura nga fusha e arsimit, akademisë, artit dhe kulturës.