Kryetari i Prishtinës, Përparim Rama, ka reaguar pas raportimeve për përfshirjen e një zyrtari në rastin e dyshuar të tjetërsimit të pronave në kryeqytet, duke sqaruar se personi në fjalë nuk është punonjës i Komunës së Prishtinës.
Përmes një postimi në Facebook, Rama ka bërë të ditur se zyrtari i dyshuar punon në Arkivin Ndërkomunal, institucion që funksionon në kuadër të Agjencisë Shtetërore të Arkivave të Kosovës dhe është në varësi të Ministrisë së Kulturës.
Ai ka theksuar se raportimet që e paraqesin të dyshuarin si punonjës të Komunës së Prishtinës janë të pasakta.
“Prandaj, raportimet që e paraqesin atë si punonjës të Komunës së Prishtinës janë të pasakta!”, ka shkruar Rama.