Pas barazimit pa gola të Kosovës me Izraelin, në rrjetet sociale është shpërndarë një mesazh i publikuar në profilin e Hashim Thaçit në Facebook, që daton nga 14 nëntori i vitit 2019.
Në këtë mesazh, Thaçi kishte shprehur krenarinë dhe mbështetjen për Kombëtaren e Kosovës, pavarësisht rezultateve dhe ecurisë së saj në garat ndërkombëtare.
“Në humbje dhe fitore, me ose pa pikë, të kualifikuar apo jo, ju na keni dhënë shumë emocione, shumë krenari. Jeni heronjtë tanë. Jeni shpresa jonë! HTH. 14.11.2019”, thuhet në mesazhin e publikuar në profilin e tij.
Mesazhi i vitit 2019 po rikujtohet pas ndeshjes së fundit të “Dardanëve”, e cila përfundoi me rezultat 0:0 ndaj Izraelit.