Kandidati për kryeministër i Lidhjes Demokratike të Kosovës, Lumir Abdixhiku ka shpalosur programin e tij para qytetarëve në tubim.
Ai tha se do të qëndrojë pranë tyre shteti.
“Sonte u drejtohem të gjithë qytetarëve të Kosovës me thirrjen që të na japin mundësinë të bëjmë përpjekjet tona dritë në rrugëtimin tuaj të përditshëm sepse ndjejmë dhe e kemi përgjegjësi, ndaj secilit prind që lufton çdo ditë për të ua bërë të nesërmen fëmijëve të vet, ndaj çdo të riu që kërkon mundësi, ndaj çdo të moshuari që kërkon dinjitet, ndaj çdo familjeje që pret nga shteti, jo favore e dhurata por, kujdes dhe mbështetje institucionale”, tha Abdixhiku.
“Mos u dorëzoni, mos u pajtoni me gjendjen e tanishme, mos e pranoni këtë gjendje si fatin tonë, ngrihuni të gjithë bashkohuni rreth LDK-së sepse Kosova jonë na thërret edhe një herë, na thërret sërish”, u shpreh Abdixhiku.
Fati i Kosovës, kandidati i LDK-së për kryeministër tha se vendoset nga qytetarët më 28 dhjetor, duke bërë thirrje të votohet partia e tij.
“Atë ditë, secili prej jush do të ketë në dorë një fletë, mund të duket shumë e vogël, një copë letre e thjeshtë por, aty brenda është e shkruar e ardhmja e këtij vendi, aty është e shkruar nëse Kosova do të mbetet peng i populizmit, apo do të kthehet në rrugën e vet të shpresës, zhvillimit, integrimit euroatlantik”, tha Adbixhiku.