Aeroporti LaGuardia në Nju Jork u mbyll për fluturime herët të hënën pas një përplasjeje mes një avioni të Air Canada dhe një automjeti të Port Authority.
Policia e Nju Jorkut konfirmoi incidentin, por nuk dha detaje të tjera në atë moment.
Një zëdhënës i Departamentit të Zjarrfikësve të qytetit bëri të ditur se zjarrfikësit iu përgjigjën raportimeve për një aeroplan që kishte përplasur një automjet në pistë në orën 23:38.
Përditësimi erdhi pasi faqja e internetit e ndjekjes së fluturimeve FlightRadar24 tha në një postim në X vonë të dielën se një aeroplan i Air Canada Express ishte përplasur me një automjet tokësor në aeroport.
Më parë, departamenti i zjarrfikësve “iu përgjigj një incidenti të raportuar që përfshinte një aeroplan dhe një automjet në pistë“, tha një zëdhënës për AFP, por nuk specifikoi natyrën e incidentit.
Autoriteti i menaxhimit të emergjencave të Nju Jorkut paralajmëroi njerëzit të “prisnin anulime, mbyllje rrugësh, vonesa në trafik dhe personel emergjence” pranë qendrës kryesore të transportit në lagjen Queens.
“Përdorni rrugë alternative“, tha ai në X.
E Administrata Federale e Aviacionit të SHBA-së (FAA) lëshoi një ndalesë tokësore për të gjithë aeroplanët në aeroport, sipas një njoftimi nga rregullatori.
Njoftimi i FAA-së tregoi se arsyeja e ndalimit në aeroport ishte një emergjencë dhe kishte një probabilitet të lartë për një zgjatje, pa specifikuar asnjë detaj.
Në një njoftim të veçantë, FAA bëri të ditur se aeroporti mund të mbyllet deri në orën 14:00 sipas orës lokale.
🚨 BREAKING: MASS CASUALTY EVENT DECLARED AT LaGUARDIA AIRPORT IN NEW YORK CITY
An Air Canada flight has crashed into a fire truck on the runway with at least 100 injuries reported — many of them critical
Rapidly developing
Pray for the victims 🙏🏻 pic.twitter.com/o2rwMfgRvX
— Nick Sortor (@nicksortor) March 23, 2026