Një aksident ka ndodhur sot mes një kamioni dhe një furgoni në Gjonovcë të Suharekës ku mbetën të lënduar tre persona, dy nga ta me lëndime serioze.
Lajmin e ka konfirmuar zëdhënësi i policisë për rajonin e Prizrenit, Shaqir Bytyqi.
“Sot me datë 11.02.2025, rreth orës 15:55 është raportuar një aksident trafiku në rrugën Prizren-Suharekë, konkretisht në Fshatin Gjonovcë, ku ishin të perfshira dy automjete, një kamion i rëndë dhe një kamionetë. Si pasoj e aksidentit janë shkaktuar dëme materiale dhe së paku tre persona kanë pësuar lëndime trupore”, tha Bytyqi.