Një aksident i rëndë trafiku ka ndodhur të mërkurën në Zhabar të Mitrovicës, ku një veturë ka goditur një këmbësor, duke i shkaktuar lëndime të rënda trupore. Viktima po trajtohet në QKUK, ndërsa i dyshuari tashmë është dërguar në mbajtje.
Aksidenti dyshohet se u shkaktua nga pakujdesia e shoferit në mospërshtatjen e shpejtësisë, ku për pasojë e ka goditur viktimën që ishte duke ecur.
I dyshuari është Fatmir Misini, i cili është ndaluar për 48 orë.
Ndërsa viktima është një i ri, i moshës rreth 25-vjeçar, i cili fillimisht është trajtuar në Spitalin e Mitrovicës, e më pas është transferuar në QKUK.
Lidhur me rastin, Policia ka ndërmarrë veprimet e nevojshme, në koordinim me Prokurorin e Shtetit.