Aleanca e Liberalëve dhe Demokratëve për Evropën (ALDE) ka dalë me një postim publik në mbështetje të PDK-së dhe Bedri Hamzës për zgjedhjet e përgjithshme në Kosovë.
“PDK po garon me një platformë të fuqishme për rritje ekonomike, përballimin e krizës së kostos së jetesës, përmirësimin e arsimit dhe shëndetësisë, si dhe forcimin e marrëdhënieve me aleatët perëndimorë. Rikthimi i Kosovës në rrugën e integrimit në BE dhe NATO është një nga objektivat kryesore të PDK-së dhe Dr. Hamzës”, thuhet në postimin e ALDE.
ALDE i uron suksese Dr. Hamzës dhe PDK-së në zgjedhjet e së dielës!
Partia Demokratike e Kosovës (PDK), është anëtare me të drejta të plota e Aleancës së Liberalëve dhe Demokratëve për Evropën (ALDE).
Edhe vetë presidentja e ALDE, eurodeputetja Svenja Hahn, ka shprehur mbështetje për kandidatin PDK-së, Bedri Hamza, për postin e kryeministrit.
Në një video-adresim, Hahn theksoi rëndësinë e zhvillimit ekonomik dhe mundësive për sipërmarrësit si pjesë e misionit të saj politik.
Ajo gjithashtu theksoi se barazia gjinore është një prioritet për të, duke përmendur se si grua në politikë, ajo e di se barazia mund të arrihet vetëm nëse e gjithë shoqëria bashkohet për këtë qëllim.
“Si presidente e partisë ALDE dhe si anëtare e Parlamentit Evropian e kam bërë pjesë të misionit tim të siguroj që çdo qytetar të mund të zhvillohet në një ekonomi të fortë dhe konkurruese. Kjo është arsyeja pse jam shumë e lumtur të shoh se Bedri Hamza synon të krijojë më shumë mundësi për sipërmarrësit dhe të sigurojë që çdo qytetar të ketë mundësinë të arrijë potencialin e tij të plotë. Sidomos si grua në politikë e di se barazia mund të arrihet vetëm së bashku. Prandaj mirëpres qëllimin e bërë për gratë pjesë aktive të vendimmarrjes me politika të qarta për barazi dhe përfaqësim të drejtë”, ka thënë Hahn.
Në fund të deklaratës së saj, Hahn ka theksuar se Kosova meritojnë më shumë dhe mund të bëjë përparim me PDK-në në Qeveri.
Vlen të theksohet se Partia Demokratike e Kosovës (PDK), është anëtare me të drejta të plota e Aleancës së Liberalëve dhe Demokratëve për Evropën (ALDE).