Vushtrria u shndërrua sot në një hapësirë të dialogut të hapur dhe përkrahjes qytetare, ku kandidati për deputet nga Lëvizja Vetëvendosje, Arben Vitia, zhvilloi takime të drejtpërdrejta me banorët e qytetit.
Bashkë me Egzonin, Sylën dhe Abdullahun, Vitia u takua me shumë qytetarë vushtrrias, në biseda të sinqerta dhe konstruktive, ku u diskutuan sfidat lokale, pritjet e qytetarëve dhe vizioni për zhvillimin e vendit. Atmosfera u karakterizua nga besimi, përkrahja dhe angazhimi për rrugën që, siç u theksua, po ecet bashkë.
Gjatë takimeve, Arben Vitia falënderoi qytetarët për mikpritjen dhe mbështetjen, duke theksuar rëndësinë e komunikimit të drejtpërdrejtë dhe dëgjimit të zërit të qytetarëve në çdo hap të angazhimit politik.
Takimet në Vushtrri janë pjesë e aktiviteteve të vazhdueshme në terren të Lëvizjes Vetëvendosje, me synimin për të forcuar lidhjen me qytetarët dhe për të ndërtuar politika që burojnë nga nevojat reale të tyre.