Kandidati i LDK-së për kryetar të Komunës së Gjilanit, Arbër Ismajli, ka paralajmëruar një nga projektet madhore të plan-programit të tij për qytetin – krijimin e Parkut të Paqes.
Ismajli tha se ky projekt është i planifikuar sipas PRRU “Livadhet e Arapit” dhe do të shndërrojë hapësirën në një park modern e gjelbërues, ku qytetarët do të kenë mundësi për pushim, rekreacion dhe aktivitete familjare.
“Parku i Paqes do të jetë një hapësirë e re publike për qytetarët tanë, një vend i gjelbër dhe modern që do të sjellë më shumë jetë e gjallëri në Gjilan”, u shpreh ai.
Ky projekt vlerësohet si një ndër investimet më të rëndësishme për cilësinë e jetesës së qytetarëve të Gjilanit.