Kandidati i LDK-së për kryetar të Komunës së Gjilanit, Arbër Ismajli, ka shpallur një nga projektet kryesore të programit të tij qeverisës në fushën e arsimit – ndërtimin e 3 shkollave të reja për nxënësit e komunës.
Ismajli theksoi se investimi në arsim është investim në të ardhmen e Gjilanit dhe gjeneratave që vijnë.
“+3 shkolla të reja për fëmijët tanë. Investim në arsim, investim në të ardhmen!” – u shpreh kandidati i LDK-së.
Ai ka bërë të ditur se prioritet i tij do të jetë përmirësimi i kushteve mësimore dhe krijimi i hapësirave moderne për nxënësit dhe mësimdhënësit, duke e konsideruar arsimin si bazën e zhvillimit të qytetit.