Kandidati për kryetar të Komunës së Gjilanit, Arbër Ismajli, ka zhvilluar një takim me familjen e Burim Elezit, kandidatit për Asamblenë Komunale me numrin 35.
Në një postim në rrjetet sociale, Ismajli e përshkruan familjen Elezi si një shembull të vlerave të punës, integritetit dhe përkushtimit ndaj qytetarëve. Ai thekson se Burimi Elezi është një frymë e re politike, e përkushtuar për qytetin, e dëgjon qytetarët dhe synon të sjellë zgjidhje konkrete për problemet reale.
“Ky tubim madhështor i kësaj familje na bëri të kuptojmë edhe më shumë se ndryshimi fillon nga bashkimi i qytetarëve rreth vizionit të përbashkët për Gjilanin e ri,” ka shkruar Ismajli.