Kandidati i LDK-së për kryetar të Komunës së Gjilanit, Arbër Ismajli, ka vizituar “Maple Restaurant”, një destinacion turistik që bashkon ushqimin modern e tradicional me bukurinë e natyrës.
Ismajli ishte i shoqëruar nga kandidatet për Asamble Komunale, Gresa Krasniqi Fazliu, Drita Isufi Ahmeti dhe Ganimet Sabedini, ku u pritën nga pronari i restorantit, Isuf Salihu, dhe stafi mikpritës.
“Maple Restaurant është shembull i përkushtimit, pasionit dhe dashurisë për punën, që krijon eksperienca unike për vizitorët. Ky është demonstrimi më i mirë se si mund të zhvillojmë turizmin tonë, të mbajmë traditën dhe të ofrojmë rehati për mysafirët,” tha Ismajli.
Ai shtoi se iniciativa të tilla janë një pasuri për Gjilanin dhe se turizmi lokal, i mbështetur nga natyra dhe tradita, mund të bëhet atraksion i preferuar për vizitorë nga mbarë vendi.