Në një vizitë të veçantë, Arbër Ismajli së bashku me deputetin e Kuvendit të Kosovës, Krenar Xhaferin, dhe kandidatët për Asamble Komunale, Muhadin Hazirin dhe Bedri Ajetin, u takuan me kryesinë e Shoqatës së Gjahtarëve “Agim Ramadani”. Kjo organizatë përfaqëson qindra anëtarë të jashtëzakonshëm, të angazhuar në ruajtjen e natyrës, mirëmbajtjen e faunës dhe jetës së egër në trevat e Gjilanit.
Ismajli theksoi se gjuetia duhet të ecë paralelisht me përgjegjësinë ndaj mjedisit dhe se gjahtarët e Gjilanit, me përvojën e tyre, janë model i ruajtjes së ekuilibrit natyror dhe respektimit të ligjit.
Ai zotoi se në qeverisjen e ardhshme, Shoqata e Gjahtarëve “Agim Ramadani” dhe shoqata të ngjashme do të kenë mbështetjen e merituar institucionale, duke theksuar rëndësinë e bashkëpunimit për mbrojtjen e natyrës, zhvillimin e turizmit malor e rural dhe fuqizimin e qytetit.
“Ecim bashkë për fitore dhe për një Gjilan më të qëndrueshëm dhe të zhvilluar,” përfundoi Ismajli.