Ministri i Bujqësisë, Pylltarisë dhe Zhvillimit Rural, Armend Muja është duke marrë pjesë në Panairin Ndërkombëtar të Bujqësisë.
Kjo është vizita e tij e parë zyrtare në Paris, ku, pos tjerash, është takuar me Ministren franceze të Bujqësisë, Annie Genevard.
Sipas njoftimit të Ministrisë, në këtë takim janë diskutuar mundësitë për bashkëpunim të ndërsjellë ndërmjet dy shteteve, shkëmbimi i përvojave dhe praktikave të mira, si dhe nxitja e investimeve të reja franceze në Kosovë.
“Jemi të hapur për bashkëpunim me Francën dhe partnerë të tjerë ndërkombëtarë, me fokus të veçantë në zhvillimin e qëndrueshëm të bujqësisë, mbrojtjen dhe menaxhimin e pyjeve, si dhe avancimin e zhvillimit rural në Kosovë. Këto fusha përbëjnë prioritetet tona kryesore dhe janë thelbësore për rritjen ekonomike dhe mirëqenien e qytetarëve”, u shpreh Ministri Muja.