Avokati i Rexhep Selimit ka kundërshtuar pretendimin e Prokurorisë se Selimi kishte kontroll mbi një njësit policor të UÇK-së gjatë kohës që shërbente si ministër i Rendit Publik.
Ai tha se termi “Policia e Ushtrisë Çlirimtare të Kosovës” është një “tezë e Prokurorisë”, e krijuar për të prezantuar provat në mënyrë të njëanshme dhe për të dhënë përshtypjen se një njësit i tillë ekzistonte dhe drejtohej nga Selimi.
“Pas qershorit, UÇK-ja dhe policia ushtarake e saj kanë qenë nën përgjegjësinë e komandantëve të zonave, jo nën Selimin. Nuk ka ekzistuar një polici të tillë të UÇK-së ose të Ministrisë së Rendit Publik që ai të kishte mbikëqyrur”, tha avokati.