Kandidati për kryeministër nga radhët e PDK-së, Bedri Hamza, ka vizituar sot njërën prej qendrave të edukimit në Mitrovicë, ku nga aty u shpreh se është tejet e rëndësishme përkrahja e sektorit privat.
Hamza u shpreh se arsimit, PDK do t’ia shtojë vlerën me njohuri që ndërlidhen me ekonominë dhe vendet e punës.
”BONEVET është një qendër e shkëlqyeshme e edukimit në Mitrovicë, që inkurajon fëmijët, të rinjtë dhe të rriturit t’i identifikojnë talentet dhe zhvillojnë aftësitë e tyre. Njëkohësisht me rritjen 50% të pagave për mësuesit dhe arsimtarët, shumë me rëndësi është t’i përkrahim edhe nismat në sektorin privat. Arsimit do t’ia shtojmë vlerën me njohuri që ndërlidhen me ekonominë dhe vendet e punës, në teknologji dhe fusha digjitale, si këtu në Mitrovicë.
#MaMirë #PDK131”.