Policia në Ferizaj e ka gjobitur një shofer për tejkalim të parregullt.
E.G. 26 vjeç është gjobitur me 150 euro, 1 pikë negative dhe masë pezullimi të patentë shoferit për 3 muaj.
Policia ka apeluar për respektim të rregullave dhe shenjave të trafikut.
Komunikata e plotë:
Gjobë ndaj shoferit për tejkalim të parregullt të mjeteve
Ferizaj, 19/03/2025
Policia e Komunikacionit Rrugor, më 18.03.2025, ka marrë një video ku shihet një automjet furgon i tipit Mercedes që kryen tejkalim të parregullt nga ana e djathtë. Pas identifikimit, shoferi E.G,(26 vjeç) u ftua në stacionin e policisë në Ferizaj dhe iu shqiptua një gjobë prej 150 euro, 1 pikë negative dhe masa e pezullimit të patentë-shoferit për 3 muaj.
Policia apelon te të gjithë shoferët që të respektojnë rregullat dhe shenjat e trafikut.
Për çdo kundërvajtje, qytetarët mund të njoftojnë policinë përmes aplikacionit “Lajmëro Policinë” ose në numrat e kujdestarisë: 192, 0290/326-250, 0290/322-406.
Të dhënat do të ruhen me konfidencialitet të plotë