Një ngjarje e rëndë ka ndodhur dje në Gllamnik të Podujevës, ku është djegur një veturë e tipit Golf dhe dyshohet se brenda kësaj veture ka vdekur edhe një person.
Në lidhje me këtë rast, Prokuroria Themelore në Prishtinë ka lëshuar një komunikatë për media, ku thuhet se brenda veturës janë gjetur mbetje kockore të njeriut.
“Me datë 04.02.2025 prokurori kujdestar është informuar nga Stacioni Policor në Podujevë për gjetjen e një veture të djegur dhe me rastin e ekzaminimit ka rezultuar se brenda saj ka prezencë të mbetjeve kockore, me ç’rast prokurori i shtetit ka angazhuar ekspertin antropolog mjeko-ligjor, i cili ka konstatuar se këto mbetje janë të njeriut“, shkruhet në komunikatë.
Tutje, Prokurori aka bërë të ditur se hetimet në lidhje me zbardhjen e detajeve të rastit janë duke u zhvilluar.
Më pas, prokurori i shtetit ka autorizuar dhe në koordinim me njësitet përkatëse të Policisë së Kosovës, janë duke ndërmarrë të gjitha veprimet e nevojshme hetimore me qëllim të zbardhjes në tërësi të rastit. Duke pasur parasysh që jemi në fazën fillestare të rastit, për momentin nuk mund të jepen të dhëna të detajuara lidhur me këtë rast, mirëpo prokurori i shtetit është i përkushtuar që në bashkëpunim dhe koordinim me organet e rendit të zbardh në tërësi rastin”, thuhet tutje në komunikatë.